Projekti “Women Empowerment” është një inisiativë e organizatës joqeveritare “Art Without
Limit”, e cila synon të fuqizojë dhe të përfaqësojë gratë me aftësi të kufizuara në shoqëri
përmes artit, kulturës dhe kinematografisë. Ky projekt është nismuar për të adresuar sfidat
dhe nevojat specifike të kësaj grupe të shoqërisë dhe për të kontribuar në krijimin e një
mjedisi më të përfshirë dhe të barabartë për të gjitha gratë.
Në këtë projekt, do të organizohen një sërë aktivitetesh të ndryshme për të promovuar
fuqizimin dhe përfaqësimin e gruas me aftësi të kufizuara. Fillimisht, do të shfaqen filma dhe
do të realizohen reportazhe për të ndarë historitë dhe sukseset e tyre në një mënyrë
frymëzuese.
Ky proces do të përqendrohet në qëllimin e prezantimit të tyre si burime
frymëzimi dhe shembuj pozitivë për të gjithë shoqërinë.
Përveç kësaj, do të zhvillohen tryeza diskutimi, workshop-e dhe xhirime të tjera që synojnë
të nxisin dialogun dhe bashkëpunimin në mes të gruas me aftësi të kufizuara dhe shoqërisë
në përgjithësi. Këto aktivitete do të ofrojnë një platformë për të adresuar sfidat dhe për të
diskutuar rreth çështjeve të rëndësishme që prekin këtë grup.
Pjesëmarrësit në këtë projekt do të pajisen me mundësi për të zhvilluar aftësi të reja dhe për
të përmirësuar vetëdijen e tyre përmes workshop-eve dhe trajnimeve të specializuara. Kjo do
të ndihmojë në rritjen e kapaciteteve dhe të aftësive të tyre personale dhe profesionale.
Në fund të projektit, pjesëmarrësit do të marrin pjesë në “Art Without Limit International
Film Festival”, ku do të ndahen çmime dhe do të shpërblehen historitë më frymëzuese dhe të
fuqizuese të gruas me aftësi të kufizuara. Gjithashtu, ata do të pajisen me certifikata
mirenjohje për kontributin e tyre në projekt.
Në përgjithësi, projekti “Women Empowerment” synon të krijojë një ndikim pozitiv afatgjatë
në fuqizimin dhe përfaqësimin e gruas me aftësi të kufizuara në shoqëri, duke promovuar
një kulturë të barabartë dhe të përfshirë për të gjitha gratë
